Shariah Board

باسمہ تعالیٰ
مجلس علما شیعہ یورپ نے عید مبعث و معراج کے روز اپنے ایک نئے شعبے یعنی شریعہ بورڈ کے قیام کا اعلان کردیا ھے۔
شریعہ بورڈ بنیادی طور پر خاندانی مسائل، نکاح و طلاق نیز وصیت و وقف اور میراث وغیرہ جیسے پیچیدہ مسائل کو سلجھانے اور احسن انداز میں ان کو انجام دینے کے لیے قائم کیا گیا ھے۔
اگرچہ یورپ بھر میں علمائے اعلام اپنے فرائض منصبی کو نہایت ھی خوبصورتی کے ساتھ انجام دے رھے ھیں، لیکن کبھی کبھار مسائل اس قدر پیچیدہ ھوتے ھیں کہ جن سلجھانے کے لیے ایک عالم کافی نہیں ھوتا بلکہ ایک بورڈ کی ضرورت پڑتی ھے۔
مجلس علماء شیعہ یورپ کے محترم ممبران نے ایک عرصہ سے اس پلیٹ فارم کو فعال بنانے کا فیصلہ کیا تھا لیکن کچھ ناگزیر وجوہات کی بنا پر یہ کام عملی نہ ھو سکا تھا، لیکن اب رسول کریم صلی اللہ علیہ وآلہ وسلم کے روز مبعث و معراج کی مناسبت سے شریعہ بورڈ کے قیام کا اعلان کیا جاتا ھے۔
مجلس علماء شیعہ یورپ کے صدر محترم نے فی الحال اس شریعہ بورڈ کی ذمہ داری جناب قبلہ مولانا محمد حسن معروفی صاحب کے سپرد کی ھے۔
شریعہ بورڈ کی ذمہ داریاں:
1- خاندانی مسائل کے حل کے لیے ورکشاپس اور مختصر جزوات کی تیاری اور اس کو علمائے کرام اور مراکز کے ذریعہ لوگوں تک پہنچانا۔
2- نکاح و طلاق کے مسائل کو حل کرنے کے لوگوں کی مدد کرنا۔
3- وصیت و وقف اور میراث جیسے مسائل کو حل کرنے لوگوں کی مدد کرنا۔
مزید معلومات کے حصول کے لیے ان نمبروں رابطہ فرمائیں:
اردو میں بات کرنے کے لیے مولانا معروفی صاحب
07905746096
انگلش میں بات کرنے کے لیے مولانا کاظم معروفی صاحب
07474401347